الأربعاء، 4 أغسطس 2010

مثلث برمودا

هذي سالفه كاتبتها في جهازي من ايام الاختبارات :)
وهذي الاختباارات وعمايلها كيف وصلتني في التفكير( خلصت السوالف الا اتكلم عن الجن خخخخخخ )
تدرون من شويااات اسولف انا وياها عن "ابليس وربعه الجن " تقول القصه اللي بيدي انهم ساكنين في مثلث برمودا ومثلث التنين ومحد قدر يوصلهم يعني بيقنعوني ان التكنلوجيا هذي كلها ما قدرت توصل لقصوورهم اللي بانينها ع الماء في البحااار

عاد خذ وخل من الكلام انا وياها نتخيل اشكالهم وعالمهم كذااا قصووور تميل للون الرصاصي الباهت والبني والذهبي والغربااان والخفاافيش تحلق فووق والثعابين داخله طالعه بلاحسيب ولارقيب وووراعين ابليس تسدح وتمدح وتبطش ماورها شغل الا احنا توسوس في ادمغتنا >> طبعا مثلي وشروا اخيتي المسطوله عندي
ونتخيل كذا واحد توه صاااحي متاخر ومستعجل يلبس خلاقينه يقوله الجني الثاني اللي توه راجع من الدوام : وين يالحبيب ??.. عسى ماشر مستعجل
الجني المستعجل" ابد بس تااخرت ع دوامي
وراحت علي نومه عقب سهري امس وانا الحين بلحق افتن قبل الاذان>> وش دخل الاذان يعني مايوسوس اذا اذن
مع السلامه يخيي بس استر علي مو تفتن علي >>الحين هو مقبل علي انا واخيتي يكمل الباقي علينا
ملاحظه"" الوسواااس وصل وخلاني اكتب وما رحت أصلي خخخخخخخخ بيطلع وقت الصلاه وانا اسولف مع روحي